Kafin wannan lokaci, ana kwatanta Ronaldo da Messi ne da Pele-wanda ya lashe kofin duniya sau 3-da Maradona da ya lashe gasar a 1986.
washington dc —Tauraron kwallon kafa dan asalin Portugal Cristiano Ronaldo ya ayyana kan sa da dan wasan daya fi kowa iya taka leda, inda ya fifita kan sa akan babban abokin hamayyarsa Lionel Messi da diego Maradona na Argentina da kuma gwarzo Pele na Brazil.
An jima ana muhawara akan dan wasan daya fi kowa fice a tarihin wasan kwallon kafa, inda galibi aka fi takaita gasar tsakanin Ronaldo da Messi. a tsakaninsu su 2 sun lashe kyautar gwarzon dan wasa ta Ballon d’or sau 13-inda dan Portugal ya lashe sau 5 yayin da dodan kwallon kafa dan Argentina ya lashe sau 8.
Kafin wannan lokaci, ana kwatanta Ronaldo da Messi ne da Pele-wanda ya lashe kofin duniya sau 3-da Maradona da ya lashe gasar a 1986.
Sai dai a hirarsa ta baya-bayan nan da La Sexta, Ronaldo yace shi dan wasa ne daya zarta dukkanin mutanen 3 wadanda a lokuta daban-daban ake musu kallon da suka fi kowa iya wasan.
