Wani tauraron dan adam da SpaceX ya harba sama ya fashe

Wani tauraron dan adam mai suna Starship SN11 da kamfanin SpaceX mallakar dan kasuwar Amurka Elon Musk ya harba zuwa duniyar sama ya yi bindiga a lokacin da ake gwajin sa a karo na 4.

A lokacin da ake gwajin a kamfanin SpaceX da ke garin Cameron na jihar Texas din Amurka, tauraron SN11 da aka harba cikin nasara zuwa sama, ya yi bindiga a lokacin da ya ke kokarin sauka.

Jim kadan bayan jami'an kamfanin sun bayar da bayanai game da fashewar, sai aka dakatar da nuna aiyukan gwajin kai tsaye.