Wata babbar mota ta murkushe mutane har lahira a Amurka

Wata babbar mota da ta kwace wa direbanta a kudancin jihar Michigan ta Amurka, ta halaka mutane 4 tare da jikkata wasu 17, sakamakon yadda ta murkushe kananan ababen hawa da ke cikin jerin cunkoso, kamar yadda 'yan sandan jihar suka sanar.

Karin bayani:Me zaben Amurka ke nufi ga Afirka?

Rundunar 'yan sandan jihar ta wallafa a shafinta na X cewa hatsarin ya faru ne da tsakar daren Asabar, sakamakon yadda direban motar ya gaza ganin abin da ke gabansa, kuma ya kasa taka birkinta don tsayar da motar, daga nan ne ta turmushe motoci da dama.

Karin bayani:Amurka ta bukaci kawo karshen yakin Gaza

An kuma garzaya da mutane 17 din da suka samu raunuka zuwa asibiti don ba su kulawar gaggawa.