Turjiya kan kundin tsarin mulkin Tunisiya

Daruruwan mutane sun gudanar da zanga-zanga a wannan asabar a birnin Tunis na kasar Tunisya, don nuna adawa da daftarin kundin tsarin mulkin da shugaba kasa Kais Saied ya gabatar.

Masu boren na Tunisiya sun bukaci shugaban kasa ya yi murabus kwanaki biyu kafin a kada kuri'ar amincewa da kundin tsarin mulkin da zai kunshi karin iko da Saied ya yi amfani da su tun bayan da ya kori gwamnati tare da dakatar da majalisar dokokin kasar a ranar 25 ga watan Yulin bara.

 Ana kallon matakin Shugaba Saied a matsayin wani babban komabaya ga tsarin siyasa mai cike da rikici a Tunisiya, kuma masu hamayya da shi na zargin kundin tsarin mulkinsa na da nufin maido da mulkin kama karya.

Za a gudanar da kuri'ar raba gardama ne shekara guda bayan da Saied ya kori gwamnati tare da dakatar da majalisar dokokin kasar a wani zagon-kasa da ke adawa da mulkin dimokuradiyyar matasa masu cike da rudani a kasar ta Tunisiya