Tsananin zafi ya kara gobarar daji a Turai

Gobara dajin a kasashen Spaniya da Faransa na karuwa saboda tsananin zafi da kasashen nahiyar Turai ke fuskanta

A Faransa sama da mutum dubu 14 ne gobarar dajin ta tilasta wa barin matsugunansu, tsananin zafin da ya haura maki 40 a ma'aunin Celciues a wasu kasashen, masana na cewar ya buso ne daga nahiyar Afirka.

Tun bayan da zafin ya tsananta a kasar Spaniya an sami mutuwar mutane 360 a tsukin kwanaki biyar.

Gobarar daji a wannan shekarar ta yi saurin zuwa, lamarin da ke kara nuna kamarin sauyin yanayi .