Shugaban Kasar Jamhuriyar Dimokuradiyyar Kongo Felix Tshisekedi ya sanar cewa sojojinsa na gumurzu da 'yan tawayen M23 da ake zargin na samun goyon bayan Rwanda a gabashin kasar.
Kutse da M23 ta yi a farkon makon nan tare da kama akasarin yankunan gabashin Kongo da kuma birnin Goma ya tilasta kiraye-kiraye tare da gargadin cewa yakin zai kazanta.
M23 ta kwace iko da babban filin jirgin saman Goma
Gabashin na DRC mai arzikin ma'adinai ya sha fama da yake-yake na kungiyoyin tawaye wadanda suka samo asali daga yakin kare dangi na Rwanda a 1994.
A furucinsa na farko tun bayan zafafar yakin, Tshisekedi ya yi magana da kakkausar murya inda ya ce farmaki mai zafi nanan tafe kan mayakan M23 da kuma masu daukar nauyinsu.
Goma: An cinna wa ofishin jakadancin Faransa wuta a DRC
Tun da farko shugaban ya yi Allah wadai da wasu kasashen duniya a yayin da lamarin tsaro ke neman lalacewa a kasarsa.