Shugaba Paul Biya ya koma gida Kamaru

Gidan talabijin din kasar CRTV ya nuna yadda Shugaba Paul Biya mai shekaru 91 a duniya da mai dakinsa Chantal suka isa kasarsa, bayan dawowa da ga tafiyar da aka yi ta yada jita-jita a kan makomar lafiyarsa. Shugaba Biya da ke kan karagar mulki tun daga watan Nuwamba na shekara ta 1982, ya samu tarba ta musamman daga magoya bayansa sanye da riguna da ke dauke da hotunansa suna kida da cashewa domin yi masa maraba.