Ruwan sama ya kashe mutane 100 a Brazil

Ruwan sama kamar da bakin kwarya da ya haddasa ambaliya da zabtarewar kasa a kusa da Recife da ke arewa maso gabashin Brazil, ya kashe mutane akalla 100, a cewar wani sabon rahoto da hukumomin yankin suka bayar.

Gwamnatin Jihar Pernambuco, wadda Recife ce babban birninta, ta bayar da rahoton bacewar mutane 14, yayin da ake ci gaba da bincike a yankunan da lamarin ya fi shafa domin gano ko akwai masu sauran shan ruwa a gaba. Kwararru a kan sha'anin kare muhali sun ce dummamar yanayi  da rikedewar dazuzzuka zuwa birane na daga cikin dalilan da suka janyo saukar ruwan sama da ya wuce kima.