Rikicin Kwango na kara raba fararen hula da matsugunansu

Hukumar kula da 'yan gudun hijira ta Majalisar Dinkin Duniya ta ce sama da mutum dubu 72 sun rasa matsugunnensu a sabon rikicin da ya barke a tsakanin dakarun sojin Jamhuriyar Dimukradiyyar Kwango da 'yan tawayen M23.

A sanarwar da hukumar ta fidda, ta kara da cewar wadanda suka kauracewa matsugunensu a yankin Kivu na fuskantar barazanar cin zarafi da ma shiga gidajensu ana musu sace-sace.

Hukumar 'yan tawayen na M23 sun jima suna cin karensu babu babbaka a gabashin Kwangon, kuma ana zarginsu da sake tada zaune tsaye a kasar da ta jima tana fama da rikicin kabilanci. Ya zuwa yanzu akalla fararen hula dubu 170 ne ke gudun hijira tun bayan barkewar rikicin a shekarar 2021.

Dangantaka tsakanin Kwango da Ruwanda na kara yin tsami wanda ya samo asali tun bayan kisan kiyashin da aka yi a Ruwanda a shekarar 1994.