Rasha ta kaddamar da gagarumin farmaki a gabashin Ukraine a yankin Donbass kwanaki kadan bayan da sjojinta suka janye daga gewayen birnin Kiev.
Sojojin saman Rashar sun yi amfani da makamai masu linzami da tankokin yaki wajen tarwatsa wasu sananonin sojin 13 a Donbass. A halin da ake ciki Hukumomin Ukraine sun yi kira ga mazauna yankin da su gudu su tsira da rayukansu, duk da cewar babu hanyoyin jin kai na ficewa. Rasha ta yi kira ga daukacin sojojin Ukraine da su ajiye makamansu domin mika wuya. Donbass wanda wani bangaranta ke karkashin ikon 'yan aware masu goyon bayan Rashar tun shekara ta 2014. Zai kasance wani sabon fagen dagga a yakin da ake yi tsakanin Rasha da Ukraine.
News Source: DW (dw.com)