PDP ta lashe zaben gwamnan Osun

Jam'iyyar PDP mai adawa a Najeriya ta lashe zaben gwamnan jihar Osun da aka gudanar da kuri'u mafi rinjaye a gaban abokiyar hamayyarta jam'iyyar APC mai mulkin jihar.

Rahotanni daga jihar Osun da ke kudu maso yammacin Najeriya na cewar dan takarar jam'iyyar PDP mai adawa Adeleke Ademola ya lashe zaben gwamnan da aka gudanar a wannan Asabar.

Hukumar zaben kasar mai zaman kanta INEC ta ce Adeleke Ademola ya lashe kananan hukumomi 17 a yayin da babban abokin karawarsa na jam'iyyar APC mai mulkin Najeriya gwamna Adegboyega Oyetola ya samu nasa a kananan hukumomi 13.

Hukumar EFCC ta chafke wasu mutane uku da ta zarga da sayen kuri'ar masun zabe a na tsaka da zabe.

Zaben na gwamnan jihar na a matsayin zakara gwajin dafi a gabanin babban zaben Najeriya da ke tafe nan da wasu watanni bakwai masu zuwa.