NATO za ta ci gaba da taimaka wa Ukraine

Tsohon Firaministan Netherlands Mark Rutte ya isa Kyiv babban birnin Ukraine a ziyararsa ta farko bayan kama aiki a matsayin sabon shugaban kungiyar kawancen tsaro ta NATO.

Rutte ya gana da shugaban Ukraine Volodymyr Zelensky a daidai lokacin da amsa kuwwa ya karade birnin Kyiv kan fargabar hari daga Rasha.

Sabon shugaban na NATO ya yi alkawarin cewa kasashen yamma za su cigaba da bai wa Ukraine goyon baya a yakin da ta ke yi na yantar da kanta daga hare haren Rasha.