Mane ya sa hannu kan kwantiragi da Bayern

Kungiyar kwallon kafa ta Bayern Munich ta da ke jan zarenta a Bundesliga, tare da lashe gasar cin kofin zakarun Turai karo na 10 a jerea, ta gama yarjejeniyar siyan dan wasan gaba na Senegal Sadio Mane daga Liverpool.

Dan wasan gaba na aksar Senegal Sadio Mane ya sa hannu kan kwantiragin shekaru na taka leda a Bayern kan kudi kusan Yuro miliyan 40, sai dai Mane na da sauran shekara daya na murza leda a Liverpool.

Dan wasan mai shekaru 30 ya bar Anfield bayan buga wasanni 269, inda ya zura kwallaye 120 a dukkan wasannin da ya buga, wanda hakan ya taimaka wa kungiyar ta lashe gasar zakarun Turai a kakar wasa ta 2018-19 da kuma gasar Premier bayan kaka daya.

Dan wasan ya zama dan wasa na uku da Bayern ta dauko a karshen kakar wasa ta bana, bayan zuwan 'yan wasan Ajax Amsterdam Ryan Gravenberch da Noussair Mazrouai.