Mali ta kashe 'yan ta'adda 19

Ma'aikatar tsaron kasar Mali ta ce wani farmakin da sojan kasar ya halaka mayakan jihadi akalla 19 tare da kakkabe wasu rukunin kungiyoin 'yan bindiga uku a kudancin kasar.

Wata sanarwar da ta fitar a wannan Alhamis, rundunar ta sojan Mali ta ce ta yi nasarar kashe mayakan jihadi hudu a yankin Niono da wasu karin 'yan ta'adda 15 a yankunan Manfouné da Vaneku da kuma Mandiyaku, dukkaninsu da ke yankin tsakiyar kasar.

Sai dai wannan sanarwar ta sojan Mali na zuwa ne a yayin da kwararru daga Majalisar Dinkin Duniya ke shirin aiwatar da bincike game da zargin kisan fararen hula akalla 300, da ake tuhumar dakarun kasar ta Mali da aikatawa a farkon wannan wata bisa zarginsu da zama 'yan ta'adda a yankin Mura da ke tsakiyar kasar.