Kaduna: Jirgi mara matuki na rarraba magunguna

Wani kamfani mallakar Amirka da ke kai kayayyakin kiwon lafiya da magunguna ta hanyar jirage marasa matuka ya sanar da cewar ya fara tashin jiragensa a Jihar Kaduna.

Miliyoyin mutane ne dai a yankin arewacin Najeriya ke da karancin hanyoyin samun kulawa ta kiwon lafiya musamman saboda kasancewar kungiyoyin masu jihadi. A cewar kamfanin mai sunan Zipline mai kyara jirage marasa matuka, jiragen za su isar da kayayyakin kiwon lafiya  da magunguna sama da 200 a fadin Jihar Kadunan,a wani mataki na gwaji kafin hukumar kula da zirga-zirgar jiragen sama ta Najeriya ta amince da aiwatar da shirin a hukumance.