Sojojin Isra'ila sun kai wasu munanan hare-hare guda biyu ta sama a yammacin Alhamis a tsakiyar birnin Beirut, baya ga harbe-harben da suka yi da suka jikkata mutane biyu a sansanin sojojin kiyaye zaman lafiya na MDD a kasar Lebanon. Mutane 22 ne suka mutu yayin da 117 suka jikkata a wadannan hare-hare, a cewar wani sabon rahoton ma'aikatar lafiya ta Lebanon. Wannan dai shi ne karo na uku da rundunar sojin saman Isra'ila da ta fi mayar da hankali kan tungar 'yan Hezbollah, ke kai hare-hare kai tsaye a babban birnin Beirut tun bayan kaddamar da gagarumin farmakinta a Lebanon.
Karin bayani: Yara na kwana a kan titunan Beirut sakamakon rikici
Kasashen Turai da ke ba da gudummawar sojoji ga rundunar kiyaye zaman lafiya a Lebanon UNIFIL sun yi tir da harbe-harben Isra'ila, inda Italiya ta kira jakadan Isra'ila a Rome don nuna bacin ranta, yayin da shugaban majalisar Tarayyar Turai Charles Michel, wanda ya je kasar Laos don halartar taron shekara-shekara na ASEAN, ya yi Allah wadai da harbe-harben.
Karin bayani:
Hotuna daga Lebanon sun nuna girman barna a Beirut
Isra'ila ta ci gaba da kai farmaki a Lebanon har tsakiyar babban birnin kasar Beirut. A cewar hukumomin Lebanon akalla mutane 2000 suka mutu tun daga makon jiya
Hoto: -/AFPWuta da Barna
Sojojin Isra'ila na ci gaba da kai munanan hare-hare ta sama kan wasu wurare a Lebanon, kamar yadda aka gani a safiyar ranar 3 ga watan Oktoba a Beirut. Sojojin Isra'ila sun ce suna kai farmaki kan wuraren da mayakan Hizbullah masu samun goyon bayan Iran suka boye. Isra'ila ta tura sojojinta na kasa a kudancin Lebanon tun ranar 1 ga Oktoba.
Hoto: Amr Abdallah Dalsh/REUTERSKomai ya ruguje
An dauki wannan hoton ne a safiyar Alhamis, daya daga cikin gundumomin kudancin Beirut. Jiragen yakin Isra'ila sun kai hari a wasu wuraren kudancin Lebanon da kwarin Bekaa da ke da tazarar kilomita 60 daga gabashin babban birnin kasar.
Hoto: Mohamed Azakir/REUTERSHari a tsakiyar birnin Beirut
Wani harin da Isra'ila ta kai wa wani gini a unguwar Bashoura da ke tsakiyar birnin Beirut. A cewar majiyoyin Isra'ila, ginin yana dauke da ofishin hukumar lafiya ta Musulunci, wanda ke da alaka da kungiyar Hizbollah. Haka zalika, ginin yana kusa da ofishin firaministan kasar da majalisar dokokin Lebanon.
Hoto: Emilie Madi/REUTERSFarkawa cikin tashin hankali
Yayin da rana ta fito kan baraguzan hayaki a gundumar Moawwad ta kudancin Beirut a ranar Alhamis, mazauna yankin sun yi nazarin irin barnar da aka yi a unguwarsu.
Hoto: -/AFPNeman mafaka a gidajen rawa
Mutanen da suka yi asarar gidajensu sun yi nasarar samun matsuguni a shahararen gidan rawa na Skybar, an fi sanin wannan gidan da rayuwar dare a Beirut. Mutane sun kasance suna taimakon juna ta hanyar shirya agajin gaggawa da abinci da wurin kwana.
Hoto: Louisa Gouliamaki/REUTERSKwana kan Titi
Dandalin Shahidai mai nisan kilomita daya daga tashar jiragen ruwa a tsakiyar birnin Beirut, shi ma ya zama sansani da mafaka ga iyalai. Da yawa na cikin rudani, sun rasa duk abin da ba za su iya dauka ba, kuma ba su san abin da za su yi ba.
Hoto: Ugur Can/ABACA/abaca/picture allianceTsaftacewa na wucin gadi
Watakila za a dauki lokaci kafin a sake gina gidajen da aka lalata. Rikicin kawo karshe ba, amma a halin yanzu ana share baraguzan tituna ta hanyar amfani da wadannan kananan motocin shara.
Hoto: Mohamed Azakir/REUTERSKawo yanzu dai babu wani karin haske daga rundunar sojin Isra'ila kan hare-haren na ranar Alhamis. Amma kungiyar Hezbollah ta yi ikirarin lalata wani tankin yakin Isra'ila a Ras al-Naqoura kuma ta ce ta harba rokoki kan sojojin Isra'ilan da ke kan iyakar Lebanon da garin Maïs al-Jabal.