IAEA: Iran ta azurta da sinadarin 'uranium' da ya wuce kima

Hukumomin Iran sun ki bude wa hukumar kula da makamashin nukiliya kofa domin ganin yawan sinadarin 'uranium' da ta mallaka, lamarin da ya sanya hukumar zargin Iran da mallakar abin da ya wuce kima.

Hukumar da ke kula da makashin nukiliya a duniya, IAEA, ta sanar a wannan Litinin cewa kasar Iran ta mallaki makamashin uranium da ya haura sau 18 na adadin da yarjejeniyar Iran da manyan kasashen duniya ta 2015 ta yi tanadi.

A cikin sabon rahoton da hukumar ta MDD ta fitar ta ce hukumomin Iran sun azurta kansu da sinadarin uranium da ya kai nauyin kilogiram kusan 4000 a maimakon kilogiram 300 da yarjejeniyar nukiliyar Iran din ta amincewa kasar.