Habasha: Kiran tsagaita wuta a sabon rikici

Al'ummomin kasa da kasa sun bukaci a tsagaita wuta a Habasha, bayan da sabon fada ya barke a arewacin kasar tsakanin sojojin gwamnati da 'yan awaren yankin Tigray.

Wannan sabon fadan dai ya tarwatsa duk wani fata da ake da shi na kawo karshen rikicin kasar da ya lakume rayuka, tare da tarwatsa mutane da dama. Babu dai tabbaci kan halin da ake ciki a yanzu haka, tun bayan da sabon fadan ya barke a kan iyakar yankin Tigray. Bangarorin biyu dai na zargin juna da fara yin barin wuta, a karo na farko cikin watanni biyar din da suka gaba.