EU ba ta amince da shugabancin Maduro ba

Shugaban kasar Venezuela Nicolas Maduro da ya sake shan rantsuwar kama aiki a karo na uku a Venezuela, na fuskantar kalubale bayan da 'yan adawa suka bayyana cewa mai shekaru 62 a duniyar ya yi magudi tare damurde zaben shugaban kasar da aka gudanar a bara. Haka nan ma Amurka da wasu kasashen Latin Amurkan da dama, sun bayyana amincewarsu ne da jagoran adawa Edmundo Gonzalez Urrutia a matsyin halastaccen zababben shugaban kasa a Venezuela.