A wannan Litinin duniya na bikin cika shekaru 80 da 'yantar da sansanin gwale-gwale na Auschwitz-Birkenau, tare da gudanar da bukukuwa da za su samu halatar wasu daga cikin wadanda suka tsira da rayukansu daga azabar da suka fuskanta a sansanin na 'yan Nazi a lokacin yakin duniya na biyu.
Tawagogin kasa da kasa akalla guda 50 ne za su halarci bukukuwan da za a fara da kimanin karfe uku na wannan rana, ciki har da sakin Ingila Charles III, da shugaban kasar Jamus Frank-Walter Steinmeier da kuma shugaban gwamnatin kasar Olaf Scholz.
Bikin na wannan shekara zai fi mayar da hakanli kan daidaikun wadanda suka dandana ukuba a sansanin gwale-gwalen 'yan Nazi na Auschwitz-Birkenau kuma suke raye a wannan lokaci, kasancewar ba lallai ne ba su kara ganin wani bikin makamancin wannan a nan gaba.