Côte d'Ivoire: Kasa ta zaftare a Abidjan

Jamian kwana-kwana a Cote d Ivoire sun ce mutane shida da suka hada da yara biyu suka mutu sakamakon zaftarewar kasa a birnin Abidjan, bayan da aka kwashe dare guda ana ruwan sama kamar da bakin kwarya.

Zaftarewar kasar ta afku ne daga daran jiya Larba  zuwa yau Alhamis, wanda aka yi ta samun ruwan sama kamar da bakin kwarya a gundumar Mossikro da Attécoubé da ke yammacin birnin Abidjan. A birnin na Abidan an saba samun zaftarewar kasar a lokacin damina musammun ma a unguwani marasa galihu. A watan Yunin  shekara ta 2018 mutane 18 ne suka mutu a Abidjan bayan mamakon ruwan sama. Wasu kuma 13 suka mutu sakamakon zaftarewar kasa a watan Yunin shekara ta 2020.