China ta samu koma bayan tattalin arziki

Kasar China ta samu koma bayan tattalin arziki a sakamakon tsauraran matakan da ta dauka na takaita walwalar jama'a saboda annobar corona.

Karfin tattalin arzkin kasar ta biyu mafi girma a duniya ya ragu fiye da yadda ake tsamani saboda dokar kule da gwamnatin ta kakaba a kasar. Ofisfin kididiga na birnin Bejin a wani rahoton da ya bayyana ya ce haɓakar masana'antu ta faɗi  a cikin watan Afrilu da kashi biyu da digo tara cikin dari,  idan aka kwatanta da shekarar da ta gabata, kana rashin aikin yi, ya karu da kishi shida cikin dari.