Bakar Ista a Amirka

An samu bude wuta a wurare dadama a kasar Amirka yayin bikin Ista inda hakan ya tada hankulan jama'a musamman a jihohin da lamarin ya faru

'Yan bindiga dadi sun hana armashin bikin Ista a wasu yankunan kasar Amirrka. A karshen makon dai an samu harbe-harben bindiga a wurare da yawa na kasar Amirka yayinda ake bikin Ista. Rahotanni sun ce an jima ba a samu harbe-harben bindiga barkatai kamar haka ba. Biranai da aka samu harbin sun hada da Dallas, Pittsburgh, Sacramento, California. Sai kuma a wasu kananan hukumomi a jihohin South Carolina, Dumas, da kuma Arkansas. Hakan dai ya kara tada batun dokar mallakar bindiga a kasar ta Amirka, wace aka dade ana cece kuce a kanta.