Jam'iyyar Bobi Wine ta National Unity Platform ta ce harbin da aka yi wa shugabanta ya bar shi da mumunan rauni, amma yana samun kulawar likitoci a asibiti.
Arangama ce ta barke a yankin Bulinda da ke da nisan kilomita 12 da fadar mulki a Kampala, yayin da yake kan hanyarsa ta ziyarar lauyansa da kuma yake samun rakiyar magoya bayansa.
Sai dai yan sandan sun yi amfani da harsashen roba da hayaki mai sa hawaye domin tarwatsa su.
Magoya bayan Bobi Wine dai sun bayyana wannan harbi a matsayin wani mataki na kawar da dan adawar daga doron kasa wanda suka ce shugaba Museveni ne ke da alhaki.
A shekarar 2021 Bobi Wine ya tsaya takarar neman shúgabancin Yuganda, wanda ya garzaya kotu bisa rashin amincewa.
News Source: DW (dw.com)