Ambaliya ta kashe mutane 259 a Afirka ta Kudu

Shugaban Kasar Afrika ta Kudu wanda ya je don nuna alhini ga wadanda ambaliya ta rutsa da su a Durban da KwaZulu-Natal da ke a gabashin kasar, ya ayyana ambaliyar a matsayin bala'i mafi girma da aka taba samu.

 

A cewar ofishin kula da balao'i na lardin KwaZulu-Natal mutane 259 suka mutu a sakamakon ambaliyar. Ruwan sama kamar da bakin kwarya da aka rika shekawa a lardunan Durban da KwaZulu-Natal ya haddasa ambaliyar wacce ta janyo zabtarewar kasa.Shugaba Cyril Ramaphosa ya sha alwashin cewar gwamnati za ta taimaka wa da gaggawa ga iyalen da suka yi rishi da ma wadanda ambaliyar ta shafa.