Ambaliya ta halaka mutane 443 a Afirka ta Kudu

Mutane 443 hukumomin kasar Afirka ta Kudu suka tabbatar ambaliyar ruwa ta halaka, adadin ya karu bayan ma'aikatan agaji sun samu shiga yankunan da matsalar ta yi katutu.

Adadin mutanen da suka halaka sakamakon ambaliyar ruwa a Afirka ta Kudu sun kai 440 kamar yadda hukumomin kasar suka tabbatar, yayin da masu aikin ceto ke kara kutsawa yankunan da aka samu iftila'in, yayin da ruwan saman da aka tafka ke raguwa.

Ruwan saman ya yi ta'adi a gidajen da ke birnin Durban da kewayensa yayin da mutanen yankin ke ci gaba da neman kai wa ga tudun mun tsira.

Hukumomin kasar ta Afirka ta Kudu sun tura daruruwan masu aikin ceto domin magance matsalolin da ambaliyar ruwan ta haifar.