Tinubu ya rantsar da mai shari’a Kudirat a matsayin alƙalin alƙalai ta Najeriya

Tinubu ya rantsar da mai shari’a Kudirat ne a wani biki da aka yi a fadar shugaban ƙasar yau litinin.

Wannan ya biyo bayan amincewa da naɗinta a matsayin babbar mai shari’a ta Najeriya da majalisar dattawan ƙasar ta yi a makon da ya gabata.

A wata sanarwa da mai taimakawa shugaba Tinubu kan yaɗa labarai Bayo Onanuga ya fitar ya ce shugaban ya bayyana fannin shari’a a matsayin bangare mai muhimmanci da yake tallafe da dimukuraɗiyyar ƙasar.

Mataimakin shugaban Najeriya Kashim Shettima da shugaban majalisar dattawa na ƙasar Godswill Akpabio da mataimakinsa Barau Jibril da shugaban majalisar wakilai Tajuddeen Abbas da sakataran gwamnatin tarayya Sanata Geoge Akume da sauran manyan jami’an gwamnatin ƙasar sun halacci wannan biki.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Hulda da mu

Ku saurari dukannin labaran duniya ta hanyar sauke man hajar RFI