Jam'iyyar APC mai mulkin Najeriya ta lashe zaɓen gwamnan jihar Edo

Baturen zaɓe, kuma shugaban jami’ar kimyya da fasaha ta Minna, Farfesa Farku Adamu Kuta ne ya ayyana ɗan takarar jam’iyyar APC, Monday Okpebholo a matsayin wanda ya lashe zaɓen.

Okpebholo ya samu ƙuri’u dubu 291 da ɗari 6 da 67, inda ya kada abokin hamayyarsa na kud-da kud,  Asue Ighodalo  na jam’iyyyar  PDP, wanda ya samu kuri’u dubu ɗari  247 da ɗari 2 da 74. Ɗan takarar kjam’iyyar Labour kuwa ya samu kuri’u dubu 22 da ɗari 7 da 63.

Alƙalumma sun nuna cewa APC tana kan gaba a ƙananan hukumomi 11, a yayin da PDP ta lashe ƙuri’u mafi yawa a ƙananan hukumomi 7.

Jam’iyyar APC ta lashe zaɓe a ilahirin ƙananan hukumomi 6 na mazaɓar ɗan majalisar datttawa ta Edo ta arewa, da kuma ƙananan hukumomi 2 daga cikin 5 na mazaɓar ɗan majalisar dattawa ta Edo ta tsakiya.

Bugu da ƙari, APC ta ci zaɓe a ƙaramar hukumar Esan ta tsakiya, inda ɗan takaranta, Monday Okpebholo ya fito, a yayin da PDP ta lashe zaɓe a ƙaramar hukuma  Esan ta arewa maso yamma, da Esan ta arewa maso gabas inda ɗan takaranta, Ighodalo ya fito.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Hulda da mu

Ku saurari dukannin labaran duniya ta hanyar sauke man hajar RFI