Yeol ya zama shugaban Korea ta Kudu na farko mai ci da aka haramta wa balaguro

Ma'aikatar shari'a ta ƙasar ta tabbatar da cewa shugaba  Yoon ya zama shugaban ƙasar Korea ta Kudu mai ci na farko da aka haramtawa fita daga cikinta.

Wani babban jami’i a hukumar kula da shigi da fici ta ƙasar Bae Sang-up, ya ce tabbas an haramtawa shugaba Yoon fita daga ƙasar.

A ranar Asabar da ta gabata ne dai shugaban ya tsallake rijiya da baya, a yunkurin tsige shi da aka yi bayan gabatar da ƙudurin hakan da aka gabatar a majalisar dokokin ƙasar.

Sai dai duk da samun nasarar ci gaba da zama a kujerarsa, amma an fara gudanar da bincike kan shugaba Yoon da makusantansa, cikinsu kuwa har da tsohon ministan tsaron ƙasar Kim Yong-hyun, wanda a yanzu ya ke tsare da kuma tsohon ministan harkokin cikin gida Lee Sang-min.

Haka nan wannan doka ta shafi Janar Park An-su, babban jami'in da ke kula da aiwatar da dokar soji kuma ke shugabantar hukumar leken asiri na na ƙasar Yeo In-hyung.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Hulda da mu

Ku saurari dukannin labaran duniya ta hanyar sauke man hajar RFI