A jiya Alhamis,kwanaki uku bayan rantsar da Donald Trump, hukumar ‘yan sandan hana shige da fice ta ICE ta kaddamar da farmakin farko kan bakin haure da ba su da takardun izini zama a Amurka.
An kaddamar da wadannan hare-hare na farko na hana bakin haure da sanyin safiya a Boston da Chicago ta hanyar manyan runduna na 'yan sandan hana shige da fice na ICE. Zabar wadannan garuruwan guda biyu ba bisa ka’ida ba ne, kamar yada wasu daga cikin shugabanin kungiyoyin kare hakokin bil Adam a ciki da wajen kasar suka ruwaito.
Shugaban Amurka Donald Trump AFP - JIM WATSON Kasancewar wadanan birane wato Boston da Chicago wurare ne da ba a cika farautar bakin haure ba.Biranen biyu sun nisanta kan su daga cikin yankunan da suka bayar da kai domin korar bakin haure a Amurka.
Yan sand ana farautar bakin hauren ne a wurare da dama, da kuma suka hada da makarantu da coci-coci.
Wasu daga cikin bakin haure a Amurka AP - Damian Dovarganes Matakin na yanzu kam bai shafi gidajen jama’a ba ,wato iyalai da ke cikin gidajensu, said ai ya shafi mutane ne kawai da aka yanke wa hukunci kuma ana so su aikata manyan laifuka. Don haka gwamnatin Trump tana kashe tsuntsaye biyu da dutse daya ta hanyar kai hari a wasu sansanonin ‘yan Democrat masu goyon bayan shige da fice da kuma kame bakin haure da aka yanke wa hukunci don nuna cewa wannan manufar ta hana shige da fice tana da manufar tabbatar da tsaron ‘yan kasar Amurka.
Kakakin fadar White House, Karoline Leavitt, ta ce an kama kusan bakin haure 538 ba bisa ka'ida ba, sannan an kori daruruwa a wannan gagarumin aikin.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da muKu saurari dukannin labaran duniya ta hanyar sauke man hajar RFI
