Wani mutum ya kutsa kai da mota kan masu zanga-zanga a Amurka

Mace 1 ta rasa ranta yayinda wasu mutanen 3 suka samu raunuka sakamakon kutsawa da mota kan masu zanga-zangar adawa da cin zarafin da 'yan sanda ke yi a jihar Minnesota ta Amurka da wani mutum ya yi.

Sanarwar da Helkwatar 'Yan sandan Minnesota ta fitar ta ce, wani mai mota ya kutsa kai kan mutane 40 zuwa 50 da ke zanga-zangar adawa da cin zarafin mutane da 'yan sanda  ke yi.

Wata mace da ta samu raunuka ta mutu bayan an kai ta asibiti.

Masu zanga-zangar sun kama maharin tare da mika shi ga 'yan sanda, ba a bayyana musabbabin kai harin ba.