Wani jirgin horas da fararen hula ya fado a Labanan

Mutane uku sun rasa rayukansu sakamakon hatsarin jirgin horas da fararen hula a Labanan.

Labarin da kamfanin dillacin labaran kasar na NNA ya fitar na cewa wani jirgin horas da fararen hula ya fado a yankin dajin Gusta, da ke arewacin Beirut, babban birnin kasar.

A cikin labarin, wanda aka rawaito cewa mutane uku da ke cikin jirgin da ya fado sun rasa rayukansu, an bayyana cewa nan da nan aka tura jami’an tsaro masu farin kaya da kuma sassan tsaro zuwa yankin kuma an fara gudanar da bincike.

Rahoton bai bayar da wani bayani game da musababin faduwar jirgin ba.