Wani abu ya fashe a cibiyar wutar lantarki a Iran

An sanar da cewa wani abu ya fashe a cibiyar wutar lantarkin dake garin Isfahan a kasar Iran.

Dangane ga bayanan da suka fito daga kanfanin dillancin labaran Iran ta IRNA wani abu ya fashe a dakin da ake kula da wutar lantarki dake cibiyar wutar lantarkin Islamabad a garin Isfahan.

An tabbatar da cewa fashewar abin ya faru ne sakamakon lalacewar wani taransfoma. Ba'a samu hasarar rayuka ba amma hakan ya dakatar da aikin cibiyar na dan lokaci.

Cibiyar wutar lantarkin Islamabad dake garin Isfahan ne ke samawa dukkan yankin wutar lantarki.