Turkiyya, kasa daya tilo a kungiyar NATO da ke yaki da Daesh daya-daya a fagen daga, ta kara kaimi wajen taimakawa Kawancen Duniya da NATO don kara tasirinsu a wannan yakin.
Daga cikin mahimman abubuwa a cikin lokaci mai zuwa shi ne ƙara matsin lamba ga ƙawancen ƙasa da ƙasa game da kalubalantar kungiyar ta'addar YPG / PKK, wacce ke ci gaba da tanadar kayan aiki da kuɗi tare da Daesh a Siriya.
Ministan Harkokin Wajen Turkiyya Mevlut Cavusoglu, wanda ya halarci taron kawancen yaki da Daesh a Roma a wannan makon, ya sake nanata kalaman Shugaba Recep Tayyip Erdogan a taron NATO a Brussels cewa, Turkiyya kasa ce da ke yin dukkan ayyukanta na yaki da ta'addanci a cikin kawance.
Turkiyya na daukar Daesh da PKK / YPG a matsayin babbar barazana ba ga kanta kadai ba har ma da sauran kasashe, musamman Siriya, kuma idan ba a kawo karshen hadin kai tsakanin wadannan kungiyoyi a kasa ba, ba zai yuwu ba a tabbatar da zaman lafiya mai dorewa ba.
Hasali ma, a taron da aka yi a Rome, Cavusoglu ya nuna adawa ga goyon baya da wasu ke baiwa YPG / PKK da sunan yaki da Deash, yana mai jadada cewa dukkan biyun yan juma ne da yan jumai wadanda ke musayar bayanai da kayan ta'addanci.
