Turkiyya ce kasa ta 9 da aka fi yin allurar riga-kafin Corona

Turkiyya ta zama kasa ta 9 a duniya mafi yawan yin allurar riga-kafin Corona (Covid-19).

Alkaluman Ma'aikatar Lafiya ta Turkiyya na cewa, ya zuwa yau an yiwa mutane miliyan 58 da dubu 285 da 510.

Turkiyya ce kasa ta 9 a duniya wajen yin allurar inda a dukkan mutane 100 aka yiwa 68,95 allurar riga-kafin.

Mutane miliyan 37 da dubu 854 da 537 ne suka karbi kashin farko na allurar inda miliyan 17 da dubu 405 da 760 suka karbi kashi na 2.