Shugaban Kasar Amurka Donald Trump ya bayyana cewar shi da matarsa Melania Trump sun kamu da cutar Corona (Covid-19).
Trump ya sanar da kamuwa da cutar ta shafinsa na Ttwitter inda ya ce
"A wannan dare tare da mai dakina an gano mun kamu da cutar Corona. Nan da nan za mu fara zaman kebe kai da warkewa. Tare za mu magance wannan matsala."
Rubutacciyar Sanarwar da aka fitar daga Fadar White House ta bayyana sakamakon da likitan Trump, Sean Conley ya fitar.
Sanarwar ta ce bayan gwaji na karshe da aka yi an gano Trump da matarsa Melania Trump sun kamu da ceutar Covid-19, a yanzu Shugaban da matarsa na cikin yanayin lafiya mai kyau. Kuma dukkansu su biyun za su zauna a Fadar White House har suarke.
Bayan da daya dga cikin masu ba wa Trump shawara Hope Hicks ya kamu da cutar Corona ne Trump ya ce shi da matarsa za su kebe kawunansu.
Hicks ya kasance daya daga cikin masu tafiya ko'ina da Trump a 'yan kwanakin nan.
