Taliban ta kashe 'yan sandan Afganistan 3

'Yan sanda 3 sun rasa rayukansu sakamakon harin bam da 'yan tawayen Taliban suka kai a jihar Paktiya da ke Afganistan.

Kakakin Fadar Gwamnan Paktiya, Abdurrahman Mangel ya shaida cewar an fara tayar da bam a kofar shiga caji ofis din, inda daga bisa ni 'yan ta'adda 2 suka shiga tare da bude wuta.

Ya ce, 'yan sanda 3 sun mutu tare da jikkata wasu 5 sakamakon harin. An kuma kashe maharan cikin kankanin lokaci.