Takaitaccen tarihin mataimakin Harris a zaɓen Amurka

A wani saƙo da ta wallafa a shafinta na X Harris ta ce tana farin cikin sanar da Tim Walz  a matsayin mataimakinta a takarar shugabancin ƙasar.

Takaitaccen tarihin Tim Walz

An haifi Tim Walz a ranar 6 ga watan Afirlu na 1964 a wani yanki mai suna West Point a jihar Nebaraska, yanzu haka yana da shekaru 60 a duniya.

Ya halarci kwalejin Chadron inda ya yi digirin na farko a fannin ilmin zamantakewa a shekarar 1989.

Ya share shekara 24 yana aikin soja bayan da ya shiga tun yana ɗan shekara 17 a  duniya.

Ya auri matarsa mai suna Gwen a shekarar 1994 inda suka koma kudancin jihar Minnesota suka fara aikin koyarwa da horar da ƴan wasa a makarantar Mankato.

Ya yi aikin koyarwa a ƙasar China kafin ya koma gida Amurka ya ɗora aikin koyarwa a babbar makarantar Alliance.

Cibiyar Kasuwanci a jihar Nebaraska ta taɓa ayyana shi a matsayin matashi mafi hazaka dake bada gudunmawa a fannin ilmi.

Tim Walz mamba ne a jam’iyyar Democract ya zama ɗan majalisa mai wakiltar yankin Minnesota daga shekarar 2007 zuwa  2018.

An zabi Tim Walz gwamnan jihar Minnesota a 2018 tare da sake zama gwamna a karo na 2 a shekarar 2022.

Tim Walz na cikin masu goyan bayan Isra’ila tun da ya shiga sha’anin siyasa, kuma ya caccaki ɗauko JD Vance da Tsohon shugaban Amurka Donald Trump ya yi a matsayin dan takarar mataimakin shugaban ƙasar Amurka.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Hulda da mu

Ku saurari dukannin labaran duniya ta hanyar sauke man hajar RFI