Kamfanin Bincike a Sararin Samaniya na SpaceX ya sake harba taurarin dan adam 60 zuwa sama.
Kumbon Falcon 9 dauke da taurarin ya tashi zuwa sama daga sansanin harba taurarin dan adam na Canaveral da ke jihar Florida ta Amurka.
Jim kadan bayan tashinsa, Falcon 9 ya dawo duniya inda taurarin kuma suka ci gaba da tafiya da kansu.
Taurarin da za a yi aikin sadarwa na Starlink da su sun isa inda ake so tare da zama daram.
A karkashin aikin Starlink na samar da yanar gizo a duniya, za a harba taurarin dan adam dubu 12 zuwa sama nan da shekarar 2027.
News Source: ()
