Sojojin Isra’ila sun shiga tsakani a zanga-zangar lumana

Sojojin Isra'ila sun shiga tsakani a zanga-zangar lumana da aka gudanar a Gundumar Sheikh Jarrah ta gabashin Kudus da ke karkashin mamaya.

Wasu gungun Falasdinawa sun dauki tutoci tare da rera taken nuna goyon baya, suna sukar manufar tilasta wa iyalan Falasdinawa barin gidajensu a unguwannin Sheikh Jarrah da Silvan.

A cewar bayanan da aka samu daga shaidun gani da ido, sojojin na Isra’ila sun shiga tsakani a zanga-zangar tare da amfani da bama-bamai masu kara.

Daya daga cikin bam din mai kara ya buge wani tsoho a baya.

Gwamnatin Isra’ila ta dade tana shirin tilasta wa dimbin iyalai Falasdinawa barin gidajensu a unguwannin Sheikh Jarrah da Batn al-Hawa tare da zaunar da Yahudawa a wuraren.