Sojojin Isra’ila sun kashe wani Bafalasdine bisa zarginsa da yunkurin kai hari da wuka a Yammacin Gabar Kogin Jordan da ta mamaye.
A cikin wata rubutacciyar sanarwa da rundunar sojojin Isra’ila ta fitar, an bayyana cewar an hana yunkurin kai hari da wuka a mahadar hanyar Gush Etzion da ke kudu da Bethlehem kuma an harbi wanda ake zargi da kai harin.
A cikin sanarwar, ba a bayar da wani bayani dangane da lafiyar Bafalasdinen da ake magana a kai ba.
A cikin wata rubutacciyar sanarwa da Ma’aikatar Lafiya ta Falasdinu ta fitar, an bayyana cewar wani Bafalasdine wanda ba a bayyana ko wanene ba ya yi shahada ta hannun sojojin Isra’ila a mahadar hanyar Gush Etzion.
Kungiyoyin kare hakkin dan adam na zargin Isra’ila da aiwatar da zartar da hukunci ba bisa ka’ida ba kan Falasdinawa, yayin da sojojin Isra’ila ke ci gaba da cin zarafin da suke yi wa Falasdinawa, suna zargin yunkurin kai hari da wuka ko kuma kokarin “murkushe su da ababen hawa.”
