Sojojin Isra'ila na ci gaba da zaluntar Falasdinawa

Sojojin Isra'ila na ci gaba da zaluntar Falasdinawa inda a wannan karon suka jikkata wani matashin Bafalasdine a Yammacin Gabar Kogin Jordan da Yahudawa suka mamaye.

Jami'in kwamitin gwagwarmayar Falasdinawa a Kafr Kaddum, Murad Ishtiwi ya bayyana cewar a unguwar Kafr Kaddum da ke garin Nablus a Yammacin gabar Kogin Jordan ne sojojin ısra'ila suka harbi matasa da suke zanga-zangar mamayar yankinsu ba bisa ka'ida ba da ake yi.

Sojojin sun yi amfani da hayaki mai sa hawaye da harsashan roba don tarwatsa masu zanga-zangar inda suka jikkata wani matashi guda daya.