Sabon nau'in Korona na Delta na yaduwa kamar wutar daji

Hukumar Kiwon Lafiya ta Duniya (WHO) ta sanar da cewa sabon nau'in kwayar cutar Korona ta Delta wanda aka fara gani a Indiya, an ci karo da shi a kusan kasashe da yankuna 100.

A cewar labarai na Gidan Talabijin na (CGTN), Sakatare-Janar na hukumar WHO Tedros Adhanom Ghebreyesus ya yi gargadin cewa an ga nau'ikan korona na Delta, wanda aka gano ana saurin yada shi cikin sauki a kasashe akalla 98.

Ghebreyesus ya bayyana cewa nau'in yana yaduwa cikin sauri a kasashen da ke fama da karancin allurar rigakafi, Ghebreyesus ya lura cewa nau'in Delta yana da hadari kuma yana ci gaba da karuwa da kuma canzawa.