Fursunoni 6 sun rasa rayukansu, wasu 9 sun samu raunuka sakamakon rikicin da ya barke a wani gidan kurkuku da ke kasar Mekziko.
Jami'an 'yan sanda sun bayyana cewa, bangarori biyu da ke adawa da juna ne suka gwabza fada a harabar gidan kurkukun Villahermosa Babban Birnin Tabasco.
Mahukuntan sun bayyana mutuwar fursunoni 6 tare da jikkatar wasu 9 sakamakon rikicin.
An bayyana samar da nutsuwa a cikin gidan kurkukun bayan an gama fadan.
A watan Mayu ma an kashe fursunoni 7 da jikkata wasu 9 sakamakon rikicin da ya kaure a gidan yarin Puente Grande da ke yammacin Mekziko.
News Source: ()
