Pakistan ta harbo jirgi mara matuki mallakar Indiya

Kasar Pakistan ta kakkabo jirgi mara matuki mallakar kasar Indiya a yankin Kashmir.

Hukumar Hulda da Jama'a ta rundunar sojan Pakistan ce ta sanar da cewa a yankin Chokoti ta harbo jirgi mara matuki mallakar kasar Indiya sanadiyar sabawa sararin samaniyar Pakistan dsa ya yi.

Sanarwar ta kara da cewa jirgin ya keta sararin samaniyar Pakistan da fadin mita 500.

Haka kuma a shekaran jiya ma an harbo wani jirgi mara matuki mallakar Indiya a yankin Nausheri.