A kalla mutane 26 ne suka rasa rayukansu sakamakon karo da wani jirgin ruwan dauke da fasinjoji da jirgin ruwa dauke da yashi suka yi a kogin Padma na yankin Madaripu dake Bangaladash.
Labaran da jaridar Dhaka Tribune ta fitar na cewa, jirgin ruwan da ke dauke da mutane da dama ya yi karo da wani mai dauke da yashi a kogin Padma.
Jami'in dan sanda na yankin Madaripu Mirach Huseyin ya shaida cewa, a kalla mutane 26 ne suka mutu sakamakon hatsarin kuma wasu da dama sun bata.
Huseyin ya kara da cewa, an kai wasu mutanen 5 da suka jikkata zuwa asibiti.
Ana ci gaba da aiyukan kubutar da mutanen.
News Source: ()
