Majalisar Dinkin Duniya ta bayyana cewa, akalla Falasdinawa dubu 75 ne suka rasa matsugunansu sakamakon hare-haren da Isra'ila ke ci gaba da kaiwa Zirin Gaza.
Kakakin Ofishin Aiyukan Jin Kai na Majalisar Dinkin Duniya Jens Laerke ya shaida cewa, abubuwan dake afkuwa a yankin na ci gaba da sanya fargaba.
Laerke ya kuma yi kira da a tsagaita wuta don samun damar kai kayan taimakon jin kai ga Zirin Gaza.
Ya kara da cewa, daga 10 ga Mayu zuwa yau Falasdinawa akalla dubu 75 ne suka rasa matsugunansu sakamakon hare-haren Isra'ila, kuma dubu 47 daga ciki na zaune a sansanonin Hukumar Kula da 'Yan Gudun Hijira ta Majalisar Dinkin Duniya.
Dubu 28,700 na jama'ar da aka raba da gidjen nasu suna zaune a gidajen wasu mutanen dake yankunansu.
News Source: ()
