Mata a Yaman sun kalubalanci HDL

An gudanar da zanga-zangar kalubalantar shirin mulkin mallakar da Hadaddiyar Daular Larabawa ke yunkurin yi a tsibirin Sokotra na garin Ebyen da ke kudancin Yaman.

Kungiyoyi masu zaman kansu da suka shirya zanga-zangar da mata suka jagoranta  a garin Zencebar da ke karkashin Ebyen sun bayyana cewa,

Suna masu matukar kalubalantar abubuwan da Hadaddiyar Daular Larabawa ke yi a Tsibirin Sokotra da kuma shirin mummunan sulhun da ta yi da kasar Isra'ila.

Masu zanga-zangar dauke da tutocin Falasdinu wadanda kuma suka kone tutar Isra'ila sun rinka rera cea HDL ta fice daga Sokotra.