Mahaukaciyar guguwa da ta ke barna a Amurka

Mutum daya ya rasa ransa a birnin Florida da ke Amurka sakamakon mahaukaciyar guguwar Cyclone mai suna Elsa.

Jami'ai a jihar Florida sun bayyana cewa mutum daya ya rasa ransa lokacin da bishiya ta fada kan motoci biyu sakamakon guguwar.

Mahaukaciyar guguwar ta kuma raunata mutane 10 a sansanin sojojin ruwa a kudu maso gabashin birnin Georgia.

An bayyana cewa kimanin gidaje dubu 35 da shaguna a biranen Georgia da Florida ke fuskantar rashin wutar lantarki sakamakon guguwar.

Cibiyar Guguwa ta Kasar Amurka ta lura cewa saurin guguwar Elsa ya sauka zuwa kilomita 65 a kowace awa yayin da take tafiya kudu zuwa kudancin birnin Carolina.

Ana tsammanin guguwar Elsa za ta wuce kusa da arewa maso gabashin Amurka gobe.