Limamin Babban Masallacin Juma’a ya koma makaranta

Limamin Babban Masallacin Hagia Sophia mai dinbin tarihi dake birnin Istanbul ya bayyana cewa zai ajiye limanci domin komawa yin hidima a  harkokin ilimi.

Mehmet Boynukalin, wanda ya kasance limamin Masallacin Hagia Sophia mai shekaru 1,500 a birnin Istanbul ya nemi ya ajiye limancinsa kuma an amince masa.

Zai ci gaba da aiki a fannin ilimi a Jami’ar Kimiyyar  Marmara dake kasar Turkiyya.

Boynukalin ya kasance yana hidima a Masallacin tare da wasu mataimaka biyu tun daga watan Yuli na shekarar bara, a lokacin da aka mayar da Hagia Sophia Masallacin .